ກ່ຽວກັບກຸ່ມບໍລິສັດທາດແດງ

ການສະເໜີກຸ່ມບໍລິສັດຮອງຕາລວມ ເນື້ອເລື່ອງໂດຍຫຍໍ້ຂອງຮອງຕາ

(ກຸ່ມ)ບໍລິສັດຢາສູບຮອງຕາຈຳກັດໄດ້ເລີ່ມຕົ້ນ ສ້າງຕັ້ງກິດຈະການໃນປີ1956ຢູ່ທີ່ຜະລິດໃບຢາ ຢຸນນານຄືນະຄອນຢູ້ສີ່ມົນທອນຢຸນນານ. ນັບ ຕັ້ງແຕ່ການປະຕິຮູບເສດຖະກິດແລະເປີດປະຕູ ຕໍ່ໂລກພາຍນອກເປັນຕົ້ນມາໂຮງງານຜະລິດຢາສູບ ຢູ້ສີ່ເຊິ່ງເປັນກຸ່ມບໍລິສັດ...

ປະຫວັດການ ພາບຖ່າຍເກົ່າຂອງກຸ່ມບໍລິສັ ດທາດແດງ ເຄື່ອງໝາຍການຄ້າຜະລິດຕ ະພັນຢາສູບທີ່ເຄີຍໃຊ້ໃນປະຫ ວັດສາດ ຊື່ສຽງ ແລະ ກຽດຕິຍົດຂອງເຮົາ ເຫດການພົ້ນເດັ່ນ

ຄວາມຮັບຜິດຊອບຕໍ່ສັງຄົມ

ກ່ຽວກັບສຸຂະພາບ ຄວາມສ່ຽງຈາກການສູບຢາ ການຕິດຢາສູບ ແລະ ການເລີກສູບຢາ ປ້ອງກັນການສູບຢາຂອງຊາວໜຸ່ມ ແລະ ເຍົາວະຊົນລ່ວງໜ້າ ການຈຳກັດບໍ່ໃຫ້ສູບຢາຕາມສະຖານທີ່ສາທາລະນະ

 
ສວນປຸກວັດຖຸດິບ ຫ້ອງທົດລອງລະດັບຊາດ

ຍີ່ຫໍ້ກຸ່ມບໍລິສັດ

ບົດລາຍງານການຄວບຄຸບຢາສູບປະເທດຈີນປະຈຳປີ 2010 -- ໄພອັນຕາລາຍຈາກຢາສູບ

 

ບົດລາຍງານການຄວບຄຸບຢາສູບປະເທດຈີນປະຈຳປີ 2010 -- ໄພອັນຕາລາຍຈາກຢາສູບ

ສູບຢາເປັນເວລາ 50 ພາໃຫ້ເປັນພະຍາດມະເຮັງປອດໃນທີ່ສຸດ

ເຫັນນາງພະຍາບານປັກເຂັມເຂົ້າເສັ້ນເລືອດດຳຫລັງມືຂອງຕົນທ່ານຫລາວລອງຈົນບໍ່ໄດ້ຄີ້ວສົນພຽງບາດໜຶ່ງ. ການປິ່ນປົວອັກເສບກ່ອນແທງກະດູກທີ່ໄດ້ດຳເນີນມາລຽນຕິດກັນເປັນຫລາຍມື້ໄດ້ເຮັດໃຫ້ເພິ່ນເຊິ່ງເປັນຜູ້ທີ່ບໍ່ເຄີຍນອນໂຮງໝໍໃນຊີວິດຈັກເທື່ອນັ້ນໄດ້ຊິນເຄີຍກັບຄວາມເຈັບແສບບໍ່ວ່າຈະເປັນຄວາມເຈັບຈາກເຂັມແທງຫລືຈະເປັນຄວາມເຈັບໜຶບໆໃນຮ່າງກາຍໃນເມື່ອອາການເຈັບໜັກໜ່ວງເຂົ້າ. ນີ້ຄືວັນທີ 29 ເດືອນ 12 ປີກາຍນີ້.

“ເປັນພະຍາດມະເຮັງປອດຂ້າພະເຈົ້າຮູ້ ” ທ່ານຫລາວລອງເວົ້າຢ່າງເສົ້າໆ.

ໃນຖານະເປັນພະນັກງານຄຸ້ມຄອງບໍລິຫານຜູ້ໜຶ່ງບໍ່ວ່າໃນຍາມເຂົ້າການຫລືຍາມເລີກການເລີກງານທ່ານຫລາວລອງກໍ່ແມ່ນຢາສູບບໍ່ປະມືອາຍຸສູບຢາເຖິງປະຈຸບັນໄດ້ມີ 50 ກວ່າປີແລ້ວ. ໃນການກວດສຸຂະພາບເມື່ອຕົ້ນເດືອນແລ້ວນີ້ທ່ານຫລາວລອງກໍ່ເລີຍຖືໂອກາດໄປກວດພາກເອິກປອດດ້ວຍການຖ່າຍພາບລັງສີອິຊ໌ແຕ່ເມື່ອໄດ້ຮັບໃບບົ່ງມະຕິພະຍາດເຫັນຕົວໜັງສືທີ່ຂຽນໃສ່ຢ່າງຈະແຈ້ງເປັນ ”ມະເຮັງປອດ” ແລ້ວເໝືອນກັບໄດ້ຖືກບາດຄ້ອນໃສ່ຫົວບາດແຮງໆເຊິ່ງເຮັດໃຫ້ຜູ້ທີ່ໂອ້ອວດຮ່າງກາຍແຂງແຮງສະເໝີນັ້ນຈະບໍ່ສາມາດຕັ້ງສະຕິໃນຍາມນັ້ນ.

ນອກຈາກທ່ານຫລາວລອງແລ້ວຢູ່ໃນຫ້ອງຫ້ອງຄົນເຈັບພະແນກຜ່າຕັດປອດໂຮງໝໍຊຽນວືຍັງມີຄົນເຈັບພະຍາດມະເຮັງປອດອີກ 40 ກວ່າຄົນນອນຢູ່ໃນນັ້ນມີ 90% ໄດ້ກ່ຽວພັນກັບການສູບຢາຜູ້ທີ່ມີອາຍຸອ່ອນກວ່າໝູ່ພຽງ 30 ກວ່າເທົ່ານັ້ນ. ເຖິງວ່າເວລາຍາວອາຍຸການສູບຢາຈະນານຫລືສັ້ນກໍ່ຕາມອາຍຸຂອງພວກເຂົາຈະມີເຖົ້າຫລືໜຸ່ມແຕ່ພວກເຂົາລ້ວນແຕ່ໄດ້ມີການຕົກລົງທີ່ຄືກັນ -- ເລີກສູບຢາ. “ ເວລານີ້ຈຶ່ງໄດ້ເຂົ້າໃຈວ່າຄວາມໝາຍຂອງຊີວິດຈະໃຫຍ່ກວ່າການສູບຢາບໍ່ຈັກວ່າເທົ່າໃດ. ”

ອີງຕາມ《ບົດລາຍງານການຄວບຄຸມຢາສູບປະຈຳປີ 2010 ປະເທດຈີນ》ແຕ່ລະປີປະເທດເຮົາມີລ້ານກວ່າຄົນໄດ້ຕາຍໄປຈາກພະຍາດທີ່ກ່ຽວພັນກັບການສູບຢາ. ຕາມຕົວເລກທີ່ປະກອບໃຫ້ຈາກນັກຊ່ຽວຊານຄວບຄຸມຢາສູບສູນຄວບຄຸມພະຍາດແຫ່ງຊາດຈີນໄດ້ສະແດງວ່າພາຍໃນໄລຍະ 3 ປີໃກ້ໆນີ້ຜູ້ຮັບເຄາະຈາກການສູບຢາມືສອງໄດ້ເພີ່ມຂຶ້ນ 200 ລ້ານຄົນ.

ປະໂຫຍດຂອງຢາສູບ

ຜົນປະໂຫຍດທາງດ້ານສັງຄົມໄດ້ລົດຜ່ອນເຖິງລົບ 60000 ລ້ານ

ທ່ານຢາງກົງຮ້ວນຮອງຫົວໜ້າສູນປ້ອງກັນແລະຄວບຄຸບພະຍາດປະເທດຈີນໄດ້ສະແດງວ່າຂະແໜງຢາສູບເປັນຂະແໜງມອບພັນທະໃຫຍ່ເພື່ອສ້າງລາຍໄດ້ການເງິນໃຫ້ລັດຖະບານພາໃຫ້ລັດຖະບານຍາດທີ່ຈະ ”ລົງມື” ຕໍ່ມັນ. ດັ່ງນັ້ນນັກຊ່ຽວຊານສາທະລະນະສຸກນັກເສດຖະສາດແລະນັກກົດໝາຍ 60 ກວ່າທ່ານໄດ້ຮ່ວມມືກັນເປັນຄັ້ງປະຖົມມະເລີກໄດ້ຜ່ານໄລຍະເວລາໜຶ່ງປີຫົກເດືອນເພື່ອຄົ້ນຄວ້າການຄວບຄຸບຢາສູບກັບການຂະຫຍາຍເສດຖະກິດຜົນສຳເລັດໄດ້ປະກົດວ່າການແຜ່ຫລາຍຂອງຢາສູບເປັນປັດໄຈອັນຕະລາຍສຳຄັນທີ່ເຮັດໃຫ້ພະຍາດຊຳເຮື້ອຂອງປະເທດຈີນເພີ່ມຂຶ້ນຢ່າງໄວວາຂະແໜງຢາສູບໄດ້ກາຍເປັນອຸດສາຫະກຳປະເພດຄຸກຄາມສຸຂະພາບທີ່ໃຫຍ່ກວ່າໝູ່.

ບົດລາຍງານທີ່ມີຊື່ວ່າ《ການຄວບຄຸມຢາສູບກັບອະນາຄົດປະເທດຈີນ》ສະບັບນີ້ຈະໄດ້ປະກາດຢ່າງເປັນທາງການໃນມື້ຮື. ເຊິ່ງບົດລາຍງານໄດ້ສະແດງວ່າຢູ່ປະເທດຂອງເຮົາໄພອັນຕະລາຍຕໍ່ສຸຂະພາບທີ່ຈາກການສູບຢາໄດ້ເຮັດໃຫ້ຜົນປະໂຫຍດທາງດ້ານເສດຖະກິດສັງຄົມຂອງມັນເປັນຄ່າລົບປີກາຍນີ້ຜົນປະໂຫຍດສັງຄົມສຸດທິຂອງມັນໄດ້ຈາກບວກ 150 ລ້ານຢວນໃນປີ 1998 ລົດລົງຢ່າງໄວວາເປັນລົບ 60000 ລ້ານຢວນ. “ ນີ້ກໍ່ໝາຍເຖິງວ່າຕົ້ນທຶນສັງຄົມທີ່ລວມມີຕົ້ນທຶນການປິ່ນປົວແລະການເສຍຫາຍຂອງແຮງງານແລະອື່ນໆໄດ້ສູງກວ່າຍອດຕົ້ນທຶນຍອດຈຳນວນເງິນມອບພາສີອາກອນການປະກອບສ່ວນດ້ານການສ້າງວຽກເຮັດງານທຳແລະອື່ນໆຂອງຂະແໜງຢາສູບແລະໃນພາຍ 20 ປີໃນອະນາຄົດຜົນປະໂຫຍດສຸດທິນີ້ຍັງຈະເພີ່ມຂຶ້ນ ” ທ່ານຢາງກົງຮ້ວນມີຄວາມວິຕົກຫາອັນປຽບບໍ່ໄດ້.

ບົດລາຍງານໄດ້ພະຍາກອນວ່າເຖິງປີ 2030 ຄົນຕາຍທີ່ມີການກ່ຽວພັນກັບການສູບຢາຂອງປະເທດຈີນຈະເຖິງ 3 ລ້ານກິນ 25% ຂອງຄົນຕາຍ “ ນີ້ຄືຕົວເລກທີ່ເປັນໜ້າຢ້ານທີ່ສຸດຄົນຕາຍທີ່ກ່ຽວພັນກັບພະຍາດໄອສ໌ກໍ່ພຽງເປັນ 2% ຫລື 3% ເທົ່ານັ້ນ.”

ການຄຸ້ມຄອງຢາສູບ

ການເຄື່ອນໄຫວຄວບຄຸມຢາສູບໄດ້ມີການອອກແບບຊັ້ນສູງສຸດ

ບັນດາບຸກຄົນຄວບຄຸມຢາສູບທີ່ລວມມີທ່ານຢາງກົງຮ້ວນທ່ານວືຢີ້ສຸນແລະອື່ນໆລ້ວນໄດ້ເຫັນວ່າໜ່ວຍງານປະຕິບັດຕາມສັນຍາຄວບຄຸມຢາສູງທີ່ກະຊວງອຸດສາຫະກຳແລະຂໍ້ມູນຂ່າວສານເປັນຜູ້ອອກໜ້ານັ້ນໄດ້ຜູກມັດຢ່າງໜັກຕໍ່ການດຳເນີນວຽກງານຄວບຄຸມຢາສູບຂອງປະເທດເຮົາວຽກຮີບດ່ວນທີ່ສຸດໃນສະເພາະໜ້າຄືໃຫ້ໄລ່ກະຊວງອຸດສາຫະກຳແລະຂໍ້ມູນຂ່າວສານທີ່”ເປັນທັງນັກກິລາແຂ່ງຂັນແລະເປັນກຳມະການຕັດສິນ”ອອກຈາກໜ່ວຍງານປະຕິບັດສັນຍາຄວບຄຸມຢາສູບ “ເຮັດແນວນີ້ອຳນາດໃນການປະຕິບັດການຄວບຄຸມຢາສູບຂອງປະເທດເຮົາຈຶ່ງສາມາດຈະໄດ້ສະແດງບໍ່ດັ່ງນັ້ນການຄວບຄຸມຢາສູບຂອງປະເທດຈີນກໍ່ຈະຫລົ້ມເຫລວຢ່າງບໍ່ຕ້ອງສົງໄສ”.

ຕໍ່ບັນຫານີ້ທ່ານຢາງກົງຮ້ວນແລະນັກຊ່ຽວຊານສາທາລະນະສຸກອື່ນໆເປັນຈຳນວນຫລວງຫລາຍໄດ້ສະເໜີວ່າ: ກ່ອນອື່ນຄວນຈັດວຽກງານຄວບຄຸມຢາສູບເຂົ້າຢູ່ໃນ”ແຜນການຫ້າປີຄັ້ງທີສິບສອງ”ຂອງປະເທດເຮົາກຳນົດແຜນການເຄື່ອນໄຫວຄວບຄຸມຢາສູບສະເພາະລະດັບຊາດຂຶ້ນ. ຢູ່ຊັ້ນຄະນະລັດຖະມົນຕີໃຫ້ມີການຕັດສິນແລະການຈັດວາງສຳຄັນຕໍ່ວຽກງານຄວບຄຸມຢາສູບ. ພ້ອມກັນນັ້ນໃຫ້ດຳເນີນການຄຸ້ມຄອງກົນໄກຕໍ່ຂະແໜງຢາສູບປະຕິບັດການໃຫ້ລັດຖະບານແຍກຕົວຈາກວິສາຫະກິດ.

ບົດລາຍງານ《ການຄວບຄຸມຢາສູບກັບອະນາຄົດປະເທດຈີນ》ໄດ້ເຫັນວ່າໃນປະຈຸບັນນະໂຍບາຍທີ່ຄວບຄຸມຢາສູບດ້ວຍພາສີອາກອນທັງໄດ້ຄວບຄຸມຢາສູບທັງເພີ່ມລາຍຮັບພາສີອາກອນໃຫ້ລັດຖະບານການຄວບຄຸມຢາສູບຈະບໍ່ຂົ່ມຂູ່ເຖິງເສດຖະກິດແຫ່ງຊາດແລະທ້ອງຖິ່ນແລະຍ້ອນການປ່ຽນແປງຄວາມຕ້ອງການຕໍ່ຢາສູບຂອງຜູ້ຄົນທັງຫລາຍຍັງຕ້ອງເສຍໄລຍະເວລາທີ່ຍາວສົມຄວນການຄວບຄຸມຢາສູບຂອງປະເທດຈີນແມ່ນມີໂອກາດຈະປຽນປະເພດຢ່າງບໍ່ຕ້ອງສົງໄສພາຍໃນ 20 ປີໃນອະນາຄົດ.

“ຜູ້ທີ່ປະຕິບັດວຽກງານສາທາລະນະສຸກນັ້ນແມ່ນໄດ້ເອົາອຸດົມການແລະຄວາມຫວັງຂອງຕົນເຂົ້າຢູ່ໃນວຽກງານມັນ(ການຄວບຄຸມຢາສູບ) ບໍ່ແມ່ນເປັນພຽງວຽກງານວິຊາສະເພາະທີ່ງ່າຍໆອັນໜຶ່ງ ” ທ່ານຢາງກົງຮ້ວນໄດ້ສະແດງວ່າເສັ້ນທາງແຫ່ງການຄວບຄຸມຢາສູບປະເທດຈີນເປັນພາລະກິດອັນໜັກໜ່ວງແລະບົດລາຍງານສະບັບນີ້ບໍ່ພຽງແຕ່ເປັນການພະຍາຍາມສຸດຄວາມສາມາດຂອງບຸກຄົນຄວບຄຸມຢາສູບທໍ່ນັ້ນກໍ່ເປັນ”ຫີນສີຄຳ”ກ້ອນໜຶ່ງທີ່ສາມາດທົດລອງເບິ່ງລັດຖະບານຈະປະຕິບັດການຫັນປ໋ຽນເສດຖະກິດປະເພດເປັນໄພອັນຕະລາຍຕໍ່ສຸຂະພາບມາເປັນເສດຖະກິດປະເພດເປັນມິດຕໍ່ສຸຂະພາບຫລືບໍ່.

ສີ່ສາຍເຫດໃຫຍ່

ລັດຖະບານກັບວິສາຫະກິດບໍ່ແຍກຕົວອອກຈາກກັນໄດ້ຂັດຂວາງຂະບວນການປະຕິບັດສັນຍາ

ໃນບົດລາຍງານຜົນການສຳຫລວດຜົນງານຄວບຄຸມຢາສູບຂອງບັນດາປະເທດພາຄີ《ຂອບຄວາມຕົກລົງ》ທີ່ປະກາດໃນກ່ອນໜ້ານີ້ບໍ່ດົນຈາກອົງການອະນາໄມໂລກຄະແນນທີ່ໄດ້ຮັບຂອງຜົນງານປະຕິບັດສັນຍາຄວບຄຸມຢາສູບຂອງປະເທດເຮົາພຽງແຕ່ເປັນ 37.3 ຄະແນນທໍ່ນັ້ນຄະແນນທຸກລາຍການລ້ວນແຕ່”ໄດ້ລຽງຢູ່ທ້າຍສຸດ”.

ທ່ານຢາງກົງຮ້ວນໄດ້ໃຫ້ເຫດຜົນສາຍເຫດທີ່ພາໃຫ້ການຄວບຄຸມຢາສູບປະເທດເຮົາຍັງຊັກຊ້າແມ່ນຍ້ອນມີການຂັດຂວາງຈາກຂະແໜງຢາສູບ.

ປະເທດຈີນໄດ້ສ້າງຕັ້ງໜ່ວຍງານນຳພາວຽກງານປະຕິບັດ《ຂອບຕົກລົງວ່າດ້ວຍການຄວບຄຸມຢາສູບ》ລະຫວ່າງກະຊວງທີ່ປະກອບດ້ວຍ 8 ກະຊວງແລະຄະນະກຳມະການທຽບເທົ່າຂຶ້ນໃນປີ 2007 ໃນນັ້ນກະຊວງອຸດສາຫະກຳແລະຂໍ້ມູນຂ່າວສານເປັນຫົວໜ່ວຍຫົວໜ້າໜ່ວຍງານພ້ອມກັນນັ້ນຍັງລວມມີກົມໃຫຍ່ເອກະສິດຢາສູບແຫ່ງຊາດກະຊວງສາທາລະນະສຸກກະຊວງການຕ່າງປະເທດແລະອື່ນໆ. “ ກະຊວງອຸດສາຫະກຳແລະຂໍ້ມູນຂ່າວສານເປັນຂະແໜງການຕົວຕັ້ງຕົວຕີທັງເປັນຜູ້ຄຸ້ມຄອງກົມໃຫຍ່ເອກະສິດຢາສູບແຫ່ງຊາດເຊິ່ງໄດ້ເຕົ້າໂຮມສອງບົດບາດທີ່ກົງກັນຂ້າມມາໃສ່ຕົວການຕັດສິນນັ້ນຍາດທີ່ຈະຈຳແນກໄດ້ວ່າຈະເປັນການຕັດສິນຂອງວິສາຫະກິດຫລືຂອງລັດຖະບານ” ທ່ານຢາງກົງຮ້ວນໄດ້ເວົ້າວ່າ.

ທ່ານວືຢີ້ສຸນຮອງຫົວໜ້າສູນຄົ້ນຄວ້າການຂະຫຍາຍສຸຂະພາບສິນທ້ານໄດ້ສະແດງວ່າກອງປະຊຸມບັນດາປະເທດພາຄີ《ຂອບຕົກລົງ》ຄັ້ງທີສີ່ທີ່ຈັດຂື້ນຢູ່ປະເທດອູລາກຸຍໃນເດືອນ 11 ປີ 2010 ໄດ້ເລັ່ງໃສ່ການຄົ້ນຄວ້າພິຈາລະນາຫລັກເກນປະຕິບັດກ່ຽວກັບ”ຂໍ້ກຳນົດການຈຳກັດສ່ວນປະກອບຜະລິດຕະພັນໃບຢາແລະເຜີຍແຜ່ຜະລິດຕະພັນໃບຢາ”ໃນ《ຂອບຕົກລົງ》ແຕ່ດ້ວຍເຫດຄະນະຜູ້ແທນປະເທດຈີນທີ່ມີພະນັກງານມາຈາກກະຊວງອຸດສາຫະກຳແລະຂໍ້ມູນຂ່າວສານແລະກົມໃຫຍ່ເອກະສິດຢາສູບແຫ່ງຊາດເປັນຫົວໂປ່ນັ້ນໄດ້ອອກຄວາມເຫັນຄັດຄ້ານຫລາຍຄັ້ງທັງໄດ້ຢືນຢັນວ່າຢາສູບເປັນອຸດສາຫະກຳເສົາຄ້ຳສຳຄັນຂອງປະເທດຈີນແລະໄດ້ຖືກສະເໜີຊື່ໄດ້ຮັບລາງວັນ”ຂອງເຂ່ຍຢາເປື້ອນ”ຫລາຍຄັ້ງ “ ມັນເປັນການປໍລະປັກຢ່າງເປີດເປີນຕໍ່《ຂອບຕົກລົງ》ຢ່າງບໍ່ຕ້ອງສົງໄສ ”.

ການໂຄສະນາຂາຍຢາສູບທີ່ຕົບຕາບໍ່ສາມາດຈະຫ້າມໄດ້

ບັນດາບຸກຄົນຄວບຄຸມຢາສູບເຫັນວ່ານິຕິຍະບັດການຄວບຄຸມຢາສູບແມ່ນ “ ຫ່າງໄກຈາກການສູບຢາມືສອງ ” ແລະປະຕິບັດຕາມມາດຕະການສຳຄັນກໍ່ຄືການຮັບປະກັນດ້ານນະໂຍບາຍຂອງ《ຂອບຕົກລົງ》ຢ່າງຮອບດ້ານ. ແຕ່ໃນປະຈຸບັນຢູ່ປະເທດເຮົາບໍ່ພຽງແຕ່ຍັງບໍ່ທັນມີກົດໝາຍລັກສະນະທົ່ວປະເທດສະບັບໜຶ່ງທີ່ເລັ່ງໃສ່ການຫ້າມສູບຢາຢູ່ສະຖານທີ່ສາທາລະນະເທົ່ານັ້ນຈົນເຖິງ《ກົດໝາຍວ່າດ້ວຍການໂຄສະນາຂາຍເຄື່ອງ》ແລະ《ວິທີການຄຸ້ມຄອງການໂຄສະນາຂາຍຢາສູບແຫ່ງແຫ່ງຊາດຊົ່ວຄາວ》ກໍ່ບໍ່ໄດ້ຫ້າມການໂຄສະນາຂາຍຢາສູບຢ່າງຮອບດ້ານ.

ໃນໂອກາດຍື່ນ”ຕາຕະລາງຜົນງານ”ໃຫ້ອົງການອະນາໄມໂລກມີຂ່າວລາຍໜຶ່ງກ່ຽວກັບກຸ່ມບໍລິສັດຮອງຕາບໍລິສັດຊວງສີກວາງຕຸງແລະວິສາຫະກິດອື່ນໆໄດ້ຈັດເຂົ້າ ” ສິບວິສາຫະກິດດີເລີດທີ່ມີຄວາມຮັບຜິດຕໍ່ສັງຄົມຂອງວິສາຫະກິດປະເທດຈີນ ” ໄດ້ພາໃຫ້ທຸກຝ່າຍວິຈານກັນຢ່າງຟົດຟື້ນ. ແຕ່ມາດຕາທີ 13 ຂອງ《ຂອບຕົກລົງ》ໄດ້ບົ່ງບອກຢ່າງຈະແຈ້ງວ່າເຖິງປີທີ່ເປັນເວລາປະຕິບັດສັນຍາປີທີຫ້າບັນດາປະເທດພາຄີຕ້ອງຫ້າມຢ່າງກວ້າງຂວາງຕໍ່ການເຄື່ອນໄຫວຄສະນາສົ່ງເສີມຈຳໜ່າຍແລະການອຸປະຖຳຢາສູບ.

ການໂຄສະນາຂາຍຢາສູບຕົບຕາບໍ່ພຽງແຕ່ບໍ່ໄດ້ຫ້າມທໍ່ນັ້ນມືສຳພັດຂອງມັນຍັງໄດ້ແຕະຕ້ອງເຖິງຂົງເຂດສາທາລະນະປະໂຫຍດ. ຕາມສະຖິຕິສະມາຄົມຄວບຄຸມຢາປະເທດຈີນໄດ້ສະແດງວ່າແຕ່ເດືອນ 9 ຫາເດືອນ 12 ປີ 2009 ວິສາຫະກິດຢາສູບ 52 ແຫ່ງໃນທົ່ວປະເທດໄດ້ມີການບໍລິຈາກໃຫ້ແກ່ສາທາລະນະປະໂຫຍດແລະກິດຈະກຳເຄື່ອນໄຫວສິນລະປະແລະກິລາເຖິງ79ລາຍເຖິງ 40 ນະຄອນແລະເມືອງຂອງທົ່ວປະເທດ. ໃນເດືອນ 11 ປີ 2010 ກົມເອກະສິດຢາສູບແຫ່ງຊາດຈີນຍັງໄດ້ສ້າງກອງທຶນໃບຄຳໃຫ້ແກ່ອົງການກອງທຶນການຂະຫຍາຍຕົວແມ່ຍິງປະເທດຈີນແລະໄດ້ບໍລິຈາກເງິນ 10 ລ້ານຢວນເພື່ອສະໜັບສະໜູນສອງໂຄງການສາທາລະນະປະໂຫຍດດັ່ງກ່າວນີ້.

ຊອງກອກຢາທີ່ສວຍງາມທຳໃຫ້ເຂົ້າໃຈຜິດວ່າ ” ມີຜົນດີຕໍ່ສຸຂະພາບ ”

ຕາມສະຖິຕິທາງການໄດ້ສະແດງວ່າຈຳນວນຄົນຕາຍຕໍ່ປີຈາກການສູບຢາຂອງປະເທດເຮົາປະມານເຖິງ 1.2 ລ້ານຄົນຫລາຍກວ່ງຍອດຈຳນວນຄົນຕາຍຈາກພະຍາດໄອສ໌ວັນນະໂລກອຸບັດຕິເຫດຄົມມະນາຄົມກໍ່ຄືຂ້າຕົວຕາຍ. ປະຈຸບັນອັດຕາສ່ວນຕາຍທີ່ຍ້ອນສາຍເຫດສູບຢາໄດ້ເພີ່ມຂຶ້ນຢ່າງກະໂດດຂັ້ນຈາກ 12% ໃນປີ 2000 ມາເປັນ 16%. ການເຕືອນໄພດ້ວຍພາບໃນຊອງຢາສູບໄດ້ຖືກວົງການຄວບຄຸມຢາສູບເຫັນວ່າເປັນຮູບການທີ່ຄວບຄຸມການບໍລິໂພກທີ່ສັກສິດທີ່ສຸດຢ່າງໜຶ່ງ.

ຕາມການກຳນົດຂອງ《ຂອບຕົກລົງ》ປະເທດຈີນໃນຖານະເປັນປະເທດພາຄີຄວນປະຕິບັດມາດຕາທີ 11 ຂອງຂອບຕົກລົງທີ່ກ່ຽວກັບການບັນຈຸຫຸ້ມຫໍ່ແລະເຄື່ອງໝາຍຂອງຊອງຢາສູບໃນສອງປີກ່ອນຄືການພິມຂໍ້ມູນເຕືອນໄພໃນຊອງຢາສູບສົມຄວນຈະກິນ 50% ຂອງເນື້ອທີ່ທີ່ໄດ້ເຫັນແຕ່ບໍ່ຄວນນ້ອຍກວ່າ 30%.

ແຕ່ຈົນມາເຖິງທຸກວັນນີ້ຢູ່ຕາມຕູ້ສະເພາະຂາຍຢາສູບຍັງໄດ້ເຕັມໄປດ້ວຍຊອງກອກຢາສູບທີ່ໄດ້ພິມພາບຕຶກທຽນອານເໝີງຕົວປານດາຕົວມັງກອນຈີນແລະອື່ນໆທີ່ສວຍງາມເມື່ອປຽບທຽບກັບພາບໃນຊອງກອກຢາສູບຂອງຕ່າງປະເທດຄືປາກເປື່ອຍປອດເປື່ອຍແລະຮູບກະດູກໄກວ່ທີ່ໜ້າຂີ້ດຽດນັ້ນຄຳຕັກເຕືອນ“ສູບຢາມີຜົນບໍ່ດີຕໍ່ສຸຂະພາບ” ແຖວໜຶ່ງທີ່ບໍ່ຕ້ອງຕາປານໃດໃນຊອງກອກຢານັ້ນມັນກໍ່ປານກັບວ່າຂາຍຜ້າເອົາໜ້າລອດນັ້ນ.

ທ່ານຈີຊິວຢີ້ຜູ້ບໍລິຫານປະຈຳສະມາຄົມຄວບຄຸມຢາສູບປະເທດຈີນເຫັນວ່າຢາສູບລາຄາແພງແຕ່ໃດໆມາກໍ່ຄືແຫລ່ງວັດຖຸສິນຄ້າສຳຄັນຂອງການບໍລິໂພກຂອງຂວັນແລະບໍລິໂພກດ້ວຍເງິນສ່ວນລວມ “ ຫາກພິມພາບໄພອັນຕະລາຍຢາສູບທີ່ໜ້າສະຫຍົດສະຫຍອງຄືຕີນເນົ່າປອດເນົ່າທາດລົ້ມແລະອື່ນໆໃສ່ຊອງກອກຢາແລ້ວຢາສູບຂອງຂວັນລາຄາແພງກໍ່ຈະບໍ່ມີຕະຫລາດເລີຍ ”.

ອາກອນກັບລາຄາຢາສູບຍັງບໍ່ທັນໄດ້ສຳເລັດການປ່ຽນແປງຢ່າງເປັນເອກະພາບກັນ

ເໝືອນກັນກັບບຸກຄົນໃນຊົນຊັ້ນກິນເງິນເດືອນເປັນຈຳນວນຫລວງຫລາຍນັ້ນກ່ອນເລີກການສູບຢາທ່ານຫລາວລອງແມ່ນເສຍດາຍເງິນບໍ່ຍອມຊື້ຢາສູບລາຄາແພງສູບແຕ່ຢາສູບລາຄາຖືກທີ່ບໍ່ເຖິງ 10 ຢວນ “ ວັນໜຶ່ງຈະສູບຊອງກວ່າຂອງລາຄາແພງຈະທົນໄດ້ແນວໃດ ” ເຖິງແມ່ນເປັນຈັ່ງຊີ້ກໍ່ຕາມລາຍຈ່າຍທີ່ບໍ່ປ່ຽນແປງທີ່ໃຊ້ສຳລັບຊື້ຢາສູບເຖິງສີ່ຫ້າຮ້ອຍຢວນນັ້ນໄດ້ເຮັດໃຫ້ເພິ່ນບໍ່ໄຫວໜ້ອຍໜຶ່ງ.

ລາຄາຖືກຂອງຢາສູບເວົ້າສຳລັບຊາວສູບຢາທີ່ກວ້າງໃຫຍ່ໄພສານແລ້ວຈະເປັນ “ການຫລອກລໍ້ທີ່ອັນຕະລາຍ” ຢ່າງບໍ່ຕ້ອງສົງໄສແຕ່ສິ່ງທີ່ພາໃຫ້ຢາສູບລາຄາຖືກນັ້ນແມ່ນການເກັບພາສີຕ່ຳເກີນໄປ.

ລາຄາຢາສູບປະເທດຈີນຕ່ຳນັ້ນໄດ້ເປັນຄວາມຈິງທີ່ທີ່ບໍ່ຕ້ອງສົງໄສ. ຢູ່ຮອງກອງລາຄາຢາສູບຊອງໜຶ່ງຢູ່ລະຫວ່າງ 70 – 80 ໂດລາຮອງກອງຢາສູບຊອງໜຶ່ງຢູ່ນະຄອນນິວຢອກກໍ່ເທົ່າກັບເງິນຈີນ 66 ຢວນ. ເອົາແຕ່ຕົວຢ່າງລາຄາຢາສູບຍີ່ຫໍ້ມາໂບໂລທີ່ຂາຍຢູ່ 15 ປະເທດນັ້ນຢູ່ປະເທດຈີນລາຄາຂາຍເປັນ 2.04 ໂດລາຢູ່ປະເທດອາຟະລິກາໃຕ້ເປັນ 2.69 ໂດລາຢູ່ສິກະໂປເປັນ 9.39 ໂອລາຢູ່ປະເທດໂນວາຍພັດເປັນ 5.6ເທື່ອຂອງປະເທດຈີນເປັນ 11.48 ໂດລາ.

ທ່ານຢາງກົງຮ້ວນໄດ້ສະແດງວ່າໃນປີ 2009 ປະເທດຈີນໄດ້ເພີ່ມເກັບອາກອນຕາມລາຄາ 5% ຢູ່ຂອດຂາຍຍົກພ້ອມກັນນັ້ນກໍ່ໄດ້ປັບອາກອນຢາສູບຂອງຜະລິດຕະພັນຢາສູບປະເພດທີໜຶ່ງແລະປະເພດທີສອງເຖິງ 56% ແລະ 36% ແຕ່ບໍ່ໄດ້ພາໃຫ້ປະລິມານການບໍລິໂພກຢາສູບຕ່ຳລົງກົງກັນຂ້າມປະລິມານຈຳໜ່າຍຂອງຢາສູບບາງຊະນິດຍັງມີທ່າອຽງເພີ່ມຂຶ້ນອີກດ້ວຍ.

“ເຖິງວ່າອາກອນຄືວ່າໄດ້ຍົກສູງແລ້ວແຕ່ຈຳນວນຢາສູບທີ່ໄດ້ຂຶ້ນລາຄາຢ່າງແທ້ຈິງແມ່ນມີໜ້ອຍທີ່ສຸດ ” ທ່ານຢາງກົງຮ້ວນໄດ້ຊີ້ອອກວ່າມີແຕ່ປະຕິບັດ”ການປ່ຽນແປງອາກອນກັບລາຄາອາກອນເປັນເອກະພາບກັນ” ໄປພ້ອມກັບການຍົກສູງອາກອນຢາສູບແລ້ວໃຫ້ຍົກສູງລາຄາຂາຍຍ່ອຍຂອງຢາສູບຈຶ່ງສາມາດສຳເລັດການຄວບຄຸມຢາສູບໄດ້.

ຂໍ້ມູນຂ່າວສານ

ການສຳຫລວດການສູບຢາ: ຕາມການສຳຫລວດແບບສຸ່ມຕໍ່ຈຳນວນຄົນກວ່າ 2000 ໃນບໍ່ດົນມານີ້ຂອງກົມສາທາລະນະສຸກນະຄອນອັດຕາສ່ວນກຸ່ມຄົນສູບຢາເປັນ 34.3% ໃນນັ້ນເພດຊາຍ 60.2% ເພດຍິງ 4.8% ລ້ວນແຕ່ສູງກວ່າຜົນການສຳຫລວດລະບາດວິທະຍາສູບຢາທົ່ວປະເທດໃນປີ 2002. ພ້ອມກັນນັ້ນໃນເປົ້າໝາຍສຳຫລວດນັ້ນອັດຕາສ່ວນຜູ້ບໍ່ສູບຢາໃນປະຈຸບັນແຕ່ຕ້ອງສູບຢາແບບທ່າຮັບເປັນ 51.3%. ພ້ອມກັນນັ້ນອັດຕາສ່ວນທົດລອງສູບຢາຂອງນັກຮຽນທ້ອງຖິ່ນນະຄອນເປັນ 24.70% ແລະ 48.7% ຂອງນັກຮຽນອຸດົມອາຊີບໄດ້ທົດລອງສູບຢາ.

ນະຄອນຫລວງປັກກິ່ງໄດ້ກຳນົດ《ຂໍ້ກຳນົດຕ່າງໆກ່ຽວກັບຂອບເຂດສະຖານທີ່ສາທາລະນະທີ່ຫ້າມສູບຢານະຄອນປັກກິ່ງ》ໃນປີ1995 ຕໍ່ຫົວໜ່ວຍທີ່ຝ່າຝືນກັບຂໍ້ກຳນົດຫ້າມສູບຢາປັບໄໝເງິນ 1000 – 5000 ຢວນຕໍ່ບຸກຄົນນັ້ນສາມາດປັບໄໝເງິນ 10 ຢວນ.

ກົດໝາຍຂອງຮອງກອງໄດ້ກຳນົດຜູ້ສູບຢາຝ່າຝືນຂໍ້ກຳນົດເປັນການກະທຳທີ່ຜິດກົດໝາຍຢ່າງສູງຈະສາມາດປັບໄໝເງິນເຖິງ 5000 ໂດລາຮອງກອງຕໍ່ຜູ້ທີ່ບໍ່ປະຕິບັດຕາມກົດໝາຍແລະປະຕິເສດສະແດງບັດປະຈຳຕົວນັ້ນຫາກໄດ້ຕັດສິນມີໂທດແບບງ່າຍດາຍແລ້ວຢ່າງສູງສາມາດຈະປັບໄໝເງິນເຖິງ 10000 ໂດລາຮອງກອງ. ທັງໝົດເຫລົ່ານີ້ໄດ້ເຮັດໃຫ້ອັດຕາສ່ວນສູບຢາຂອງຜູ້ກະສຽນອາຍຸຊາວຮອງກອງໄດ້ຕົກລົງເຖິງມີພຽງແຕ່ 11% ເທົ່ານັ້ນກາຍເປັນຕົວເມືອງອັດຕາສ່ວນສູບຢາຕ່ຳທີ່ສຸດຂອງປະເທດຈີນ.

ສະພາບປະຈຸບັນ

ເປົ້າໝາຍປອດຢາສູບຈຳໃຈຕ້ອງເລື່ອນເວລາອີກຫ້າປີ

ວັນທີ 22 ເດືອນ 12 ປີ 2010 ຢູ່ໃນຮ້ານເນັດທີ່ຖະໜົນໃຫຍ່ການຄ້າຈອງເວັນເມັນມີຊາຍໜູ່ມນຸ່ງເຄື່ອງໂກ້ເກ້ຫລາຍຄົນກຳລັງສູ້ລົບຢ່າງດຸເດືອດໃນເກມປອມຕົວເປັນຕົວລະຄອນປະເພດCS ສູ້ກັນຍົກໜຶ່ງລົງມາຝ່າຍໄດ້ກັບຝ່າຍເສຍບໍ່ຈຳແນກຂອງກູຂອງໂຕທັງຢອກໄຍກັນທັງຈູບຢາສູບໃຫ້ຝ່າຍກົງກັນຂ້າມເຊິ່ງກັນແລະກັນເພື່ອເຮັດໃຫ້ເສັ້ນປະສາດທີ່ເຄັ່ງຕຶງຈາກການຫລິ້ນເກມສະຫວາດສະເຫວີຍລົງ. ເຖິງວ່າມີປ້າຍຕິດຝາເຮືອນຢ່າງຈະແຈ້ງວ່າ” ຫ້າມສູບຢາ ” ກໍ່ຕາມຜູ້ຫລິ້ນເນັດກັບຜູ້ຄຸ້ມຄອງເນັດກໍ່ລ້ວນແຕ່ຄືບໍ່ໄດ້ເຫັນພາຍໃນຫ້ອງໃຫຍ່ກົ້ວຂົວໄດ້ດ້ວຍກິ່ນຢາສູບອັນເຂັ້າຂຸ້ນທີ່ສຸດ.

ຕໍ່ມາອີກສອງວັນທ່ານເໝົາຢູໂຄສົກຂ່າວກົມສາທາລະນະສຸກນະຄອນປັກກິ່ງໄດ້ສະແດງໃນເມື່ອເປີດ”ສະພາບການປະຕິຮູບແລະການຂະຫຍາຍຕົວພາລະກິດສາທາລະນະສຸກນະຄອນປັກກິ່ງ” ວ່າ “ການຄວບຄຸມຢາສູບ” ໄດ້ຈັດເຂົ້າແຜນການ”ຫ້າປີຄັ້ງທີສິບສອງ”ຂອງພາລະກິດສາທາລະນະສຸກນະຄອນປັກກິ່ງກ່ອນຈະໝົດກຳນົດເວລາແຜນການ “ຫ້າປີຄັ້ງທີ່ສິບສອງ “ ຄືກ່ອນທ້າຍປີປີ 2015 ສູ້ຊົນໃຫ້ສຳເລັດເປົ້າໝາຍປອດຢາສູບຢູ່ຕາມສະຖານທີ່ສາທາລະນະສະຖານທີ່ປະຕິບັດງານໃນຮົ່ມແລະພາຫະນະຄົມມະນາຄົມສາທາລະນະໃນທົ່ວນະຄອນ.

ນີ້ກໍ່ໝາຍເຖິງວ່າກຳນົດເວລາສຳເລັດເປົ້າໝາຍປອດຢາສູບຂອງນະຄອນເອງໄດ້ເລື່ອນເວລາອອກໄປອີກ 5 ປີ. ໃນປີ 2008 ກ່ອນງານກິລາໂອແລັມປິກປັກກິ່ງເປີດຂຶ້ນ 100 ວັນໄດ້ປະຕິບັດຂໍ້ຕ້ອງປະຕິບັດ”ຂໍ້ກຳນົດຫ້າມສູບຢາໃໝ່”. ປະຕິບັດການຫ້າມສູບຢາໃນຮົ່ມແລະນອກຫ້ອງຂອງຫໍແລະສະໜາມກິລາສະຖາທີ່ຫັດກາຍຫົວໜ່ວຍປົກປ້ອງວັດຖຸບູຮານທີ່ເປີດບໍລິການຕໍ່ສັງຄົມແລະສະຖານທີ່ສະທາລະນະອື່ນໆພ້ອມກັນນັ້ນຫ້າມສູບຢາໃນຮົ່ມຂອງໂຮງອາຫານໂຮງແຮມຮ້ານອາຫານລິສອດແລະສະຖາທີ່ສະທາລະນະອື່ນໆ. ຍາມນັ້ນຄະນະກຳມະການອະນາໄມຮັກຊາດນະຄອນໄດ້ສະແດງວ່າ” ຈະສູ້ຊົນອອກກົດລະບຽບຫ້າມສູບຢາໃໝ່ໃນປີໜ້າ(ປີ 2009) ຢ່າງຊ້າເຖິງປີທີ່ຕໍ່ຈາກປີໜ້າຈະກຳນົດຫ້າມສູບຢາຢ່າງຮາບຄາບຢູ່ຕາມສະຖາທີ່ສາທາລະນະທັງໝົດຢູ່ໃນສະຖານທີ່ສາທາລະນະຈະບໍ່ມີເຂດທີ່ສາມາດສູບຢາອີຯ”.

 ແຕ່ວ່າຈົນຮອດເວລາສຳພາດຂ່າວໃນສັບປະດາກ່ອນຂະແໜງການທີ່ກ່ຽວຂ້ອງຍັງສະແດງວ່າດ້ວຍເຫດວຽກງານນິຕິບັນຍັດໄດ້ພົວພັນເຖິງການແລກປ່ຽນແລະປະສານສົມທົບກັບຫລາຍຂະແໜງການປະຈຸບັນທຸກຝ່າຍກຳລັງຢູ່ໃນການຊຸກຍູ້ຢ່າງຕັ້ງໜ້າແຕ່ເວລາອອກກົດໝາຍນັ້ນແມ່ນບໍ່ອາດຮູ້ໄດ້.

ໄລຍະຫລັງງານໂອແລັມປິກຜົນການຫ້າມສູບຢາໄດ້ກັບຄືນສູ່ສະພາບເກົ່າ

ຕາມຕົວເລກລາຍໜຶ່ງທີ່ໄດ້ປະກາດຈາກຄະນະກຳມະການອະນາໄມຮັກຊາດນະຄອນໃນປີ 2009 ພາຍຫລັງໄດ້ປະຕິບັດຂໍ້ກຳນົດໃໝ່ 70%ຂອງສະຖານທີ່ສາທາລະນະຂອງປັກກິ່ງໄດ້ມີຂໍ້ກຳນົດຫ້າມສູບຢາຮ້ານອາຫານ 1020 ຮ້ານກາຍເປັນ”ຮ້ານອາຫານປອດຢາສູບ” ມີໂຮງໝໍ 218 ແຫ່ງໄດ້ກ້າວເຂົ້າສູ່ຖັນແຖວ” ໂຮງໝໍປອດຢາສູບນະຄອນປັກກິ່ງ ” ແລະມີລົດຕັກຊີ 66 ພັນຄັນໄດ້ສຳເລັດການ” ພາຍໃນລົດຫ້າມສູບຢາ”ໂດຍພື້ນຖານ.

 ແຕ່ຫລັງຈາກນັ້ນປະມານສອງປີສະພາບການຄວບຄຸມຢາສູບຂອງນະຄອນໄດ້ມີການຮັກສາແລະປັບປຸງດີຂຶ້ນຫລືບໍ່? ນັກສື່ຂ່າວໄດ້ໄປສຳພາດຮ້ານອາຫານຫລາຍຫລັງຕາມແຖວຖະໜົນໃຫຍ່ຟາງຈວງຕຸງຊີ້ແລະໝີຊີ້ປະກົດວ່າໃນຮ້ານອາຫານຕຸງໄຫລສຸ້ນຈີນຕີນສວນສິນລ້າຕາວໂສປຽນຢູແລະຮ້ານອາຫານແບບເຄືອຂ່າຍຕ່ອງໂສ້ຂະໜາດໃຫຍ່ອື່ນໆຫລາຍແຫ່ງຢູ່ຕາມບ່ອນເປີດເຜີຍລ້ວນແຕ່ໄດ້ຕິດເຄື່ອງໝາຍຫ້າມສູບຢາໄວ້ແລະໄດ້ເຂດສູບຢາແລະເຂດປອດຢາສູບໄວ້ແຕ່ມີຮ້ານອາຫານສ່ວນໜຶ່ງລະຫວ່າງເຂດສູບຢາກັບເຂດປອດຢາສູບບໍ່ມີສິ່ງກັ້ນກາງທີ່ຈະແຈ້ງແລະຢູ່ເຂດປອດຢາສູບກໍ່ມີສະພາບທີ່ມີຄົນສູບຢາຢູ່.

 ດ້ວຍເຫດຮ້ານອາຫານແບບຮອງກອງໄດ້ຕັ້ງເຂດປອດສູບຢາໄວ້ນາງປາຍທີ່ກຽມຈະຖືພາແລະເພື່ອນຂອງນາງຈຶ່ງໄດ້ເລືອກສະຖານທີ່ຮັບປະທານອາຫານຢູ່ໃນຮ້ານອາຫານນ້ຳຊາແບບຮອງກອງແຫ່ງໜຶ່ງເຊິ່ງຢູ່ໃກ້ກັບຖະໜົນໃຫຍ່ສີ່ຈືເໝີງພໍໄດ້ນັ່ງລົງໃນເຂດປອດຢາສູບກິ່ນຄວັນຢາທີ່ຈືດໆກໍ່ກະທົບເຂົ້າດັງຂອງນາງປະກົດເຫັນຜູ້ຊາຍທີ່ຢູ່ໂຕະແປະກັບໂຕະຂອງພວກລາວກຳລັງສູບຢາພົ່ນຄວັນຢູ່ນາງປາຍກໍ່ເລີຍຮຽກຄົນເສີບອາຫານເຂົ້າມາຖາມຄຳຕອບທີ່ໄດ້ຮັບຄື: “ ເບື້ອງນັ້ນເປັນເຂດສູບຢາແຂກສາມາດສູບຢາຕາມຄວາມຊອບ ” ການຕັ້ງເຂດສູບຢາແລະເຂດປອດຢາສູບຄືແບບນີ້ມັນຊິມີຄວາມໝາຍແນວໃດ? ນີ້ບໍ່ແມ່ນການຫລອກຕົວເອງແລະກໍ່ຫລອກຄົນອື່ນຄືແນວໃດ?

ຮ້ານອາຫານທີ່ມີຊື່ສຽງຍາກທີ່ຈະຫ້າມສູບຢາຮ້ານອາຫານຫວ່າງນະຄອງເສີນຕູ່ຮ້ານອາຫານເສັ້ນໝີ່ດຶງແລະຮ້ານອາຫານຂະໜາດນ້ອຍແຮ່ງເປັນເຂດປະສົບໄພຢ່າງໜັກໜ່ວງຈາກການສູບຢາ. ທ່ານຫລິວເຈີຈູ່ນຫົວໜ້າຫ້ອງການຄະນະກຳມະການອະນາໄມຮັກຊາດນະຄອນໄດ້ສາລະພາບວ່າຜົນການຄວບຄຸມຢາສູບໃນໄລຍະງານໂອແລັມປິກນັ້ນໄດ້ກັບຄືນສູ່ສະພາບເກົ່າແທ້ໂດຍສະເພາະແມ່ນສະພາບທີ່ວາງເຄື່ອງສູບຢາຜູ້ບໍລິການບໍ່ຕັກເຕືອນຜູ້ສູບຢາໃນຮ້ານອາຫານຂະໜາດນ້ອຍແລະປານກາງນັ້ນມີຖົ່ມໄປ.

 ປັບໄໝເງິນ

ຫ້າຫົກປີຜ່ານມາບໍ່ໄດ້ປັບໄໝບຸກຄົນ

“ຜູ້ຄົນທັງຫລາຍລ້ວນແຕ່ມີສະຕິຮັກຊາດໃນໄລຍະງານໂອແລັມປິກມີຜູ້ສູບຢາເປັນຈຳນວນຫລວງຫລາຍກໍ່ສາມາດຕື່ນຕົວປະຕິບັດໄດ້ບໍ່ສູບຢາຢູ່ຕາມສະຖານທີ່ສາທາລະນະແຕ່ການຜູກມັດດ້ວຍຄຸນສົມບັດສິນທຳນັ້ນບໍ່ເປັນວິທີທີ່ສັກສິດຍາວນານເມື່ອແຂກຕ່າງປະເທດໄປແລ້ວການປະຕິບັດການກວດກາລົດໜ້ອຍລົງແລ້ວພວກເຮົາປັບປຸງຜົນສຳເລັດດ້ານການຫ້າມສູບຢາຄືແນວໃດ ” ຕໍ່ສະພາບການຄວບຄຸມຢາສູບໄລຍະຫລັງງານໂອແລັມປິກຂອງນະຄອນປັກກິ່ງທ່ານຈຸ່ຍສຽວໂປ່ຜູ້ຮັບຜິດຊອບປະເດັນການນິຕິຍະບັດຄວບຄຸມຢາສູບຢູ່ສະຖານທີ່ສາທາລະນະທົ່ວປະເທດກະຊວງສາທາລະນະສຸກທັງເປັນຜູ້ຮັບຜິດຊອບການສຶກສາປະເດັນປັບປຸງກົດລະບຽບຫ້າມສູບຢານະຄອນປັກກິ່ງໄດ້ສະແດງວ່າການຫ້າມສູບຢາຢູ່ຕາມສະຖານທີ່ສາທາລະນະເປັນຂະບວນການໜຶ່ງທີ່ທົ່ວປວງຊົນເຂົ້າຮ່ວມຕ້ອງມີກົດໝາຍທີ່ມີອຳນາດປະຕິບັດເຂັ້ມແຂງສົມຄວນມາຮັບປະກັນແຕ່《ຂໍ້ກຳນົດຕ່າງໆກ່ຽວກັບຂອບເຂດຫ້າມສູບຢາຢູ່ຕາມສະຖານທີ່ສາທາລະນະຂອງນະຄອນປັກກິ່ງ》ນັ້ນໄດ້ປະກາດດ້ວຍຮູບການລັດຖະບັນຍັດດ້ານການປະຕິບັດການລົງໂທດຍັງໃຊ້ໄດ້ແຕ່ກົດລະບຽບທີ່ 15 ປີກ່ອນຫັ້ນດັ່ງນັ້ນຈຶ່ງໄດ້ເຮັດໃຫ້ຄວາມແຂງແຮງໃນການຄຸ້ມຄອງສະຖານທີ່ສາທາລະນະມີຄວາມອ່ອນແອຢ່າງຈະແຈ້ງເມື່ອປຽບທຽບກັບນະຄອນຊຽງໄຮ້ແລະນະຄອນກວາງໂຈວແລ້ວກໍ່ຫລ້າຫລັງຢ່າງເດັ່ນຊັດ. [1]

ອີງຕາມກົດລະບຽບໃນປີ 1995 ຕໍ່ຫົວໜ່ວຍທີ່ໄດ້ຝ່າຝືນຂໍ້ກຳນົດຫ້າມສູບຢາສາມາດປັບໄໝເງິນແຕ່ 1000 —5000 ຢວນຕໍ່ບຸກຄົນສາມາມປັບໄໝເງິນ 10 ຢວນ.ແຕ່ດ້ວຍເຫດໃນປີ 1996 《ກົດໝາຍວ່າດ້ວຍການປະຕິບັດມາດຕະການດ້ານບໍລິຫານສາທາລະນະລັດປະຊາຊົນຈີນ》ໄດ້ປະກາດປະຕິບັດຈຶ່ງໄດ້ເຮັດໃຫ້ກົດລະບຽບຫ້າມສູບຢາຕາມສະຖານທີ່ສາທາລະນະທີ່ກອງປະຊຸມໃຫຍ່ຜູ້ແທນປະຊາຊົນນະຄອນໄດ້ຮັບຮອງນັ້ນໄດ້ຖືກຈຳກັດຈາກກົດໝາຍຂັ້ນສູງເຮັດໃຫ້ເຈົ້າໜ້າທີ່ກວດກາອະນາໄມຈຳນວນແສນຄົນຂອງນະຄອນປັກກິ່ງໝົດສິດໃນການລົງໂທດຕໍ່ປຸກຄົນທີ່ຝ່າຝືນກົດລະບຽບໃນກໍລິນີມີສະພາບສູບຢາຢູ່ຕາມສະຖານທີ່ຫ້າມສູບຢານັ້ນເຈົ້າໜ້າທີ່ກວດກາອະນາໄມເຮັດໄດ້ພຽງແຕ່ຕັກເຕືອນຕໍ່ການປະພຶດຂອງເຂົາເທົ່ານັ້ນບໍ່ມີສິດຈະປັບໄໝເງິນ. ຕາມການເຜີຍແຜ່ຈາກບຸກຄົນຄວບຄຸມຢາສູບຜູ້ສັນທັດກໍລະນີໃຫ້ຮູ້ວ່າໃນຫ້າຫົກປີຜ່ານມານີ້ນະຄອນເອງບໍ່ເຄີຍໄດ້ປັບໄໝເງິນຕໍ່ກໍລະນີສູບຢາຂອງບຸກຄົນທີ່ຝ່າຝືນກັບກົດລະບຽບ.

ບຸກຄົນສູບຢາຝ່າຝືນກົດລະບຽງອາດຈະປັບໄໝເງິນ 200 ຢວນ

  ຫລັງຈາກໄດ້ຜ່ານການສຳຫລວດຢ່າງເປັນຂະໜາດໃຫຍ່ 5 ຄັ້ງໃນທົ່ວນະຄອນແລ້ວທ່ານຈຸ່ຍສຽວໂປ່ໄດ້ສະແດງວ່າພົນລະເມືອງຂອງນະຄອນນີ້ໃຫ້ຄວາມສຳຄັນທີ່ສຸດແກ່ການປັບໄໝເງິນແຕ່ລະຄັ້ງທີ່ໄປສຳຫລວດກໍ່ມີຜູ້ໄດ້ຮັບການສຳຫລວດເກືອບເຄິ່ງໜຶ່ງໄດ້ອອກຄວາມເຫັນດ້ວຍຮູບການລາຍຫລັກອັກສອນແລະຮຽກຮ້ອງຢ່າງຮຸນແຮງວ່າໃຫ້ເພີ່ມຈຳນວນເງິນປັບໄໝແລະເຫັນວ່າກົດລະບຽບທີ່ວ່າຈະໄດ້ຮັບປະຕິບັດຕາມສະໝັກໃຈນັ້ນຈະບໍ່ມີບົດບາດສະເໝີ. ຂໍ້ມູນຈາກການສຳຫລວດນັ້ນກໍ່ປະກົດວ່າ 8%ຂອງຜູ້ຕິດຢາໜັກນັ້ນບໍ່ສາມາດຈະຄວບຄຸມການປະພຶດສູບຢາຂອງຕົນໄດ້ຢູ່ສະຖານທີສາທາລະນະເໝືອນກັບໄດ້ທະລວງເຂົ້າເຂດທີ່ບໍ່ມີຜູ້ອາໄສຫ້າມກໍ່ບໍ່ຟັງວ່າກໍ່ບໍ່ຢ່າສູບຢາຕາມໃຈຊອບ.

 

 ມາດຕະຖານ 10 ຢວນທີ່ປັບໄໝເງິນຕໍ່ບຸກຄົນໃນ 10 ກ່ອນນັ້ນແມ່ນບໍ່ສອດຄ່ອງກັບຄວາມຕ້ອງໃນການຄວບຄຸມຢາສູບໃນປະຈຸບັນອີກແລ້ວໂດຍເລີ່ມຕົ້ນຈາກຄວາມອາດເປັນໄປນັ້ນຄວນຮຽນເອົາບົດຮຽນຂອງນະຄອນຊຽງໄຮ້ ຕໍ່ການຝ່າຝືນກົດລະບຽບຢູ່ທີ່ສະຖານທີ່ສາທາລະນະຂອງບຸກຄົນນັ້ນການປັບໄໝເງິນໃຫ້ຍົກສູງຂຶ້ນເຖິງປະມານ 200 ຢວນຕໍ່ຄັ້ງ. ຈຳນວນເງິນປັບໄໝຕໍ່ຫົວໜ່ວຍທີ່ຝ່າຝືນກົດລະບຽບນັ້ນຍົກສູງເຖິງປະມານ 10000 ຫາ 30000 ຢວນກໍ່ ສາມາດມີບົດບາດຊຸກຍູ້ການຄຸ້ມຄອງດ້ວຍຕົນເອງຂອງຫົວໜ່ວຍ. ຕາມຂ່າວໃຫ້ຮູ້ວ່າປັປປຸງ《ຂໍ້ກຳນົດກ່ຽວກັບການຫ້າມສູບຢາຢູ່ຕາມສະຖານທີ່ສາທາລະນະນະຄອນປັກກິ່ງ》ໄດ້ຈັດເຂົ້າແຜນການນິຕິຍະບັດກອງປະຊຸມຜູ້ແທນປະຊາຊົນນະຄອນປັກກິ່ງແລ້ວ.

ການປົກປ້ອງກົດໝາຍ

ກຽມຈະສ້າງຕັ້ງຖັນແຖວປົກປ້ອງກົດໝາຍສະເພາະຄວບຄຸມຢາສູບຂຶ້ນ

ທ່ານຈຸ່ຍສຽວໂປ່ສະແດງວ່າປະຈຸບັນຕົວນະຄອນລວມມີເຈົ້າໜ້າທີ່ຕິດຕາມກວດກາອະນາໄມ 2000 ຄົນແລະ ເຈົ້າໜ້າທີ່ກວດກາອະນາໄມແສນຄົນກຳລັງທຳການກວດກາຄວບຄຸມຢາສູບໂດຍບໍ່ຄິດຄ່າຕອບແທນຢູ່ຕາມແຕ່ລະຫົວໜ່ວຍ.ໃນນັ້ນມີແຕ່ຄະນະກຳມະການອະນາໄມຮັກຊາດເຈົ້າໜ້າທີ່ຕິດຕາມກວດກາອະນາໄມແລະເຈົ້າໜ້າທີ່ຕິດຕາມກວດກາອະນາໄມຕຳແໜ່ງຄວບຈຶ່ງມີສິດອອກໃບຮັບເງິນປັບໄໝເງິນ. ອີງຕາມຄວາມຮຽກຮ້ອງຂອງພົນລະເມືອງແລະເຈົ້າໜ້າທີ່ຕິດຕາມອະນາໄມຕຳແໜ່ງຄວບສ່ວນຫລວງຫລາຍນັ້ນນະຄອນເຮົານີ້ກໍ່ມີແຜນຮຽນເອົາບົດຮຽນກອງປົກປ້ອງກົດໝາຍສະເພາະຄວບຄຸມຢາສູບຂອງຮອງກອງສ້າງຕັ້ງຖັນແຖວປົກປ້ອງກົດໝາຍສະເພາະຄວບຄຸມຢາສູບນະຄອນປັກກິ່ງຂຶ້ນຢ່າງເປັນກ້າວໆ.

ໄດ້ຮູ້ວ່າອີງຕາມກົດລະບຽບທີ່ກ່ຽວຂ້ອງຂອງຮອງກອງບຸກຄົນໃດຫາກສູບຢາຫລືມີຢາສູບຊີກາຫລືກອກຢາທີ່ໄດ້ຈຸດໄວ້ໃນຄອບຄອງຢູ່ໃນເຂດທີ່ກຳນົດຫ້າມສູບຢາຫລືພາຫະນະຄົມມະນາຄົມສາທາລະນະເຈົ້າໜ້າທີ່ປົກປ້ອງກົດໝາຍລ້ວນແຕ່ມີສິດອອກໃບແຈ້ງປັບໄໝເງິນທີ່ໄດ້ກຳນົດຈຳນວນເງິນແລະປັບໄໝເງິນ 1500 ໂດລາຮອງກອງ. ມີຜູ້ຮັບຜິດຊອບທີ່ກ່ຽວຂ້ອງໄດ້ສະແດງວ່າກອງປົກປ້ອງກົດໝາຍທີ່ກຽມຈະສ້າງຕັ້ງຂຶ້ນຂອງນະຄອນເຮົານີ້ກໍ່ມີບົດບາດໜ້າຄ້າຍຄືກັບມັນຍົກຍ້າຍພະນັກງານຈາກຫົວໜ່ຍຄຸ້ມຄອງບໍລິຫານສາທາລະນະສຸກຂອງແຕ່ລະເຂດແລະເມືອງ ເນັ້ນໜັກການເພີ່ມຄວາມແຂງແຮງກວດກາຕໍ່ຫົວໜ່ວຍທີ່ມີກໍລະນີສູບຢາຕາມສະຖານທີ່ສາທາລະນະເກີດຂຶ້ນຫລາຍ ພາຍຂອບເຂດຂອງຕົນຫາກມີປະຊາຊົນແຈ້ງມີກໍລະນີສູບຢາສູບຢູ່ຕາມເຂດຫ້າມສູບຢາກໍ່ຮີບໄປສະຖານທີ່ເກີດກໍລະນີພິສູດສະພາບການແລະປັບໄໝເງິນກັບທີ່ ຕໍ່ຫົວໜ່ວຍແລະສະຖານທີ່ທີ່ຖືກແຈ້ງກໍລະນີຫລາຍຄັ້ງນັ້ນກອງປົກປ້ອງກົດໝາຍທຳການຄຸ້ມຄອງຕິດຕາມ”ແບບປະຈຳ”. [2]

 “ການຄວບຄຸມຢາສູບກໍ່ຄືວຽກງານຂອງທົ່ວສັງຄົມບໍ່ແມ່ນບັນຫາທີ່ຂະແໜງການໃດໜຶ່ງແກ້ໄຂໄດ້ ດັ່ງນັ້ນການຄວບຄຸມຢາສູບໃນສັງຄົມນອກຈາກການຮຽກຮ້ອງຊີ້ນຳແລະຄຸ້ມຄອງສະເພາະຂອງຂະແໜງການສາທາລະນະສຸກແລ້ວພວກເຮົາກໍ່ຫວັງໃຫ້ທົ່ວສັງຄົມລ້ວນແຕ່ຈະສາມາດສົນໃຈຕໍ່ບັນຫານີ້. ພ້ອມກັນນັ້ນໄປພ້ອມກັບວຽກງານຄວບຄຸມຢາສູບໄດ້ເຂົ້າສູ່ລວງເລິກ ຄວາມຈິງຄືຕ້ອງໄດ້ມາດຕະຖານຄຳໝັ້ນສັນຍາຂອງພວກເຮົາຕໍ່ປະຊາໂຄມສາກົນ.ທ່ານເໝົາ ຢູສະແດງວ່າໃນໄລຍະແຜນການຫ້າປີຄັ້ງສິບສອງນະຄອນເຮົາຈະເພີ່ມທະວີວຽກງານຫ້າມສູບຢາຕື່ມອີກກ້າວໜຶ່ງ.

ເປົ້າໝາຍປອດຢາສູບຢູ່ຕາມສະຖາທີ່ສາທາລະນະແລະອື່ນໆທີ່ມີແຜນໄວ້ນັ້ນໄດ້ເລື່ອນເວລາອອກໄປອີກ 5 ປີ.ພະນັກງານຄະນະກຳມະການອະນາໄມຮັກຊາດນະຄອນໄດ້ສາລະພາບວ່າເມື່ອປຽບທຽບກັບໄລຍະງານໂອແລັມປິກສະພາບຜົນຄວບຄຸບຢາສູບນະຄອນເຮົາເອງໄດ້ມີການກັບຄືນສະພາບເກົ່າແທ້.ຕາມຜູ້ສັນທັດກໍລະນີເປີດເຜີຍວ່າໃນຫ້າຫົກປີມານີ້ ນະຄອນເຮົາບໍ່ໄດ້ປັບໄໝເງິນສູບຢາຕໍ່ບຸກຄົນໃດ. ປະເຊີນໜ້າກັບສະພາບທີ່”ໄໝ້ຮົມຈາກຄວັນຢາ” ທີ່ ບໍ່ມີການປ່ຽນແປງຢ່າງຕໍ່ເນື່ອງຂອງຮ້ານອາຫານຂະໜາດນ້ອຍຂະໜາດປານກາງຮ້ານເນັດແລະສະຖານທີ່ອື່ນໆນັ້ນມີຂະແໜງການທີ່ກ່ຽວຂ້ອງໄດ້ສະແດງວ່າຈະຮຽນເອົາບົດຮຽນຂອງຮອງກອງສ້າງຕັ້ງກອງປົກປ້ອງກົດໝາຍຮ້ອຍຄົນສະເພາະຄວບຄຸບຢາສູບຂຶ້ນຕໍ່ຫົວໜ່ວຍຫລືສະຖານທີ່ທີ່ຖືກແຈ້ງກໍລະນີຫລາຍຄັ້ງນັ້ນກອງປົກປ້ອງກົດໝາຍຈະຄຸ້ມຄອງຕິດຕາມແບບປະຈຳ.

 

Back