ກ່ຽວກັບກຸ່ມບໍລິສັດທາດແດງ

ການສະເໜີກຸ່ມບໍລິສັດຮອງຕາລວມ ເນື້ອເລື່ອງໂດຍຫຍໍ້ຂອງຮອງຕາ

(ກຸ່ມ)ບໍລິສັດຢາສູບຮອງຕາຈຳກັດໄດ້ເລີ່ມຕົ້ນ ສ້າງຕັ້ງກິດຈະການໃນປີ1956ຢູ່ທີ່ຜະລິດໃບຢາ ຢຸນນານຄືນະຄອນຢູ້ສີ່ມົນທອນຢຸນນານ. ນັບ ຕັ້ງແຕ່ການປະຕິຮູບເສດຖະກິດແລະເປີດປະຕູ ຕໍ່ໂລກພາຍນອກເປັນຕົ້ນມາໂຮງງານຜະລິດຢາສູບ ຢູ້ສີ່ເຊິ່ງເປັນກຸ່ມບໍລິສັດ...

ປະຫວັດການ ພາບຖ່າຍເກົ່າຂອງກຸ່ມບໍລິສັ ດທາດແດງ ເຄື່ອງໝາຍການຄ້າຜະລິດຕ ະພັນຢາສູບທີ່ເຄີຍໃຊ້ໃນປະຫ ວັດສາດ ຊື່ສຽງ ແລະ ກຽດຕິຍົດຂອງເຮົາ ເຫດການພົ້ນເດັ່ນ

ຄວາມຮັບຜິດຊອບຕໍ່ສັງຄົມ

ກ່ຽວກັບສຸຂະພາບ ຄວາມສ່ຽງຈາກການສູບຢາ ການຕິດຢາສູບ ແລະ ການເລີກສູບຢາ ປ້ອງກັນການສູບຢາຂອງຊາວໜຸ່ມ ແລະ ເຍົາວະຊົນລ່ວງໜ້າ ການຈຳກັດບໍ່ໃຫ້ສູບຢາຕາມສະຖານທີ່ສາທາລະນະ

 
ສວນປຸກວັດຖຸດິບ ຫ້ອງທົດລອງລະດັບຊາດ

ຍີ່ຫໍ້ກຸ່ມບໍລິສັດ

ຄະນະພັກ-ລັດຖະບານແຂວງຢູນນານເປີດກອງປະຊຸມສຳມະນາວຽກງານຢາສູບ

 

ວັນທີ 10 ເດືອນ 2, ຄະນະພັກແຂວງ, ຄະນະລັດຖະບານແຂວງໄດ້ເປີດກອງປະຊຸມສຳມະນາວຽກງານຢາສູບທົ່ວແຂວງຢູ່ທີ່ເມືອງຄຸນໝິງ. ກອງປະຊຸມໄດ້ເນັ້ນຫນັກໃສ່ ລະບົບຢາສູບທົ່ວແຂວງຕ້ອງຖືເອົາສິບເກົ້າຈິດວິນຍານໃຫຍ່ຂອງພັກ, ປະຕິບັດການວາງແຜນວຽກງານເສດຖະກິດທີ່ລັດຖະບານກາງວາງອອກຢ່າງເຂັ້ມແຂງ, ຖືຄວາມຄິດລິເລີ່ມ, ກ້າບຸກທະລຸ; ຂໍກຳລັງຈາກການປະຕິຮູບ, ຂໍພະລັງຈາກການປັບໂຄງສ້າງ, ຂໍສັກກາຍະພາບຈາກການບໍລິຫານ ທີ່ດີ, ພະຍາຍາມກ້າວສູ່ເສັ້ນທາງພັດທະນາໃໝ່ທີ່ມີຄຸນນະພາບສູງ.

 

    ທ່ານ ເສິນຫາວ, ເລຂາທິການຄະນະກໍາມະການພັກແຂວງ ແລະ ທ່ານ ຣວນ ເສິງຟາ ເຈົ້າແຂວງຢຸນນານ ກໍ່ໄດ້ເຂົ້າຮ່ວມກອງປະຊຸມ ພ້ອມທັງກ່າວຄຳປາໄສ.

 

    ປີ 2017 ລະບົບຢາສູບທົ່ວແຂວງແມ່ນເອົາໃຈໃສ່ຕັ້ງໜ້າປະຕິບັດວຽກງານໃຫ້ປາກົດຜົນເປັນຈິງ, ຂະນະທີ່ມີສ່ວນຮ່ວມໃນການພັດທະນາເສດຖະກິດຂອງທ້ອງຖິ່ນ ແລະ ປະເທດຊາດແລ້ວ, ຍັງເປັນການປະຕິບັດຄວາມຮັບຜິດຊອບດ້ານສັງຄົມແລະການເມືອງ, ເປັນການຊ່ວຍແກ້ໄຂຄວາມທຸກຍາກກ້າວສູ່ຜົນສຳເລັດອັນໃໝ່. ທ່ານ ເສິງຫາວ, ທ່ານ ຣວນ ເສິງຟາ ໄດ້ຕາງໜ້າຄະນະພັກແຂວງ, ລັດທະບານແຂວງ ຖາມຂ່າວ ແລະອວຍພອນປີໃໝ່ ໃຫ້ແກ່ພະນັກງານຂອງລະບົບຢາສູບທົ່ວແຂວງ.

 

    ໃນການປາໄສຂອງທ່ານ ເສິງຫາວ ໄດ້ຊີ້ໃຫ້ເຫັນ ອຸດສາຫະກຳຢາສູບຕ້ອງສືບຕໍ່ເປັນ “ແກນນຳ” ທີ່ມີການພັດທະນາຢ່າງໝັ້ນຄົງ, ປັບປຸງຄຸນນະພາບ ແລະ ປະສິດທິພາບໃຫ້ດີຂຶ້ນ, ມີບົດບາດສຳຄັນໃນການບັນລຸເປົ້າໝາຍຫຼັກຂອງການພັດທະນາເສດຖະກິດ ແລະສັງຄົມທົ່ວແຂວງ, ຕ້ອງພະຍາຍາມສ້າງເສັ້ນທາງເດີນອັນໃໝ່ທີ່ມີຄຸນນະພາບໃນການພັດທະນາ, ເພື່ອສະໜອງເສັ້ນທາງຫຼັກຂອງການປະຕິຮູບດ້ານໂຄງສ້າງ, ເສີມຂະຫຍາຍການພັດທະນາພະລັງງານໃໝ່, ສົ່ງເສີມການປ່ຽນແປງຄຸນນະພາບ, ການປ່ຽນແປງປະສິດທິຜົນ, ການປ່ຽນແປງແບບເຄື່ອນໄຫວໃນການພັດທະນາອຸດສາຫະກໍາ. ຕ້ອງເລັ່ງການຂະຫຍາຍອຸດສາຫະກໍາທີ່ນອກເໜືອຈາກຢາສູບ, ສ້າງອຸດສາຫະກຳແບບຄົບວົງຈອນ, ສ້າງຄວາມເຂັ້ມແຂງດ້ານການເງິນ, ມີສ່ວນຮ່ວມໃນການກໍ່ສ້າງອຸດສາຫະກໍາທີ່ສໍາຄັນ ແລະໂຄງການໃຫຍ່ຕ່າງໆທົ່ວແຂວງ, ຂະຫຍາຍຈຸດເຕີບໂຕຂອງກໍາໄລໃຫມ່. ເພີ່ມຂະຫຍາຍການພັດທະນາກຳລັງ ແລະ ພະລັງພາຍໃນໂດຍຜ່ານການປະຕິຮູບ ແລະຄວາມຄິດສ້າງສັນ, ກາຍເປັນແບບຢ່າງໃຫມ່ໃນການການພັດທະນາຮ່ວມມືຂອງອຸດສາຫະກໍາ ແລະການຄ້າ.ຕ້ອງປະຕິບັດຢ່າງເຂັ້ມງວດຕໍ່ອຸດສາຫະກໍາຢາສູບເພື່ອຫຼຸດຜ່ອນຄວາມທຸກຍາກ,ສະຫນັບສະຫນູນການພັດທະນາເຂດພື້ນທີ່ຫ່າງໃກສອກຫຼີກ, ເພື່ອເປັນການປະກອບສ່ວນເຂົ້າໃນການຕໍ່ສູ້ເອົາຊະນະຄວາມຫຍຸ້ງຍາກໃນການຕໍ່ສູ້ຕ້ານຄວາມທຸກຍາກທົ່ວແຂວງ,ເພື່ອປະຕິບັດຕາມກົດລະບຽບຂອງພັກຢ່າງເຂັ້ມງວດ, ສະຫຼຸບ ແລະຮຽນຮູ້ຈາກບົດຮຽນທີ່ໄດ້ຮຽນຮູ້ຈາກການລະເມີດລະບຽບວິໄນ ແລະກົດຫມາຍທີ່ໃກ້ຕົວ,ເສີມຂະຫຍາຍການກໍ່ສ້າງລະບຽບວິໄນ, ມີຄວາມຮັບຜິດຊອບຢ່າງເຂັ້ມງວດຕໍ່ການປະຕິບັດລະບຽບຫຼັກການ, ຮັບປະກັນໃຫ້ລະບົບຢາສູບພັດທະນາໄປຢ່າງຂາວສະອາດ, ສົ່ງເສີມຜົນປະໂຫຍດທາງເສດຖະກິດ ແລະການກໍ່ສ້າງພັກ ແລະລັດຖະບານທີ່ຂາວສະອາດແມ່ນຈະນຳໜ້າໃນການພັດທະນາອຸດສາຫະກຳຢູ່ສະເໝີ.

 

    ທ່ານ ຣວນ ເສິງຟາຍັງສະເໜີ, ພວກເຮົາຕ້ອງປະຕິບັດວຽກງານໂດຍລວມໃຫ້ຄືບໜ້າຢ່າງຕໍ່ເນື່ອງ, ສ້າງຢີ່ຫໍ້ເພື່ອປະສົມປະສານ ກັບການສົ່ງເສີມເພື່ອການຕໍ່ສູ້ທີ່ເຂັ້ມແຂງ, ເສີມຂະຫຍາຍອິດທິພົນ ແລະຄວາມສາມາດໃນການແຂ່ງຂັນຂອງຍີ່ຫໍ້ຢາສູບຂອງຢຸນນານ. ການປັບປຸງການປະຕິຮູບການພັັດທະນາແບບໂຄງສ້າງ, ສົ່ງເສີມຄຸນນະພາບ ແລະປະສິດທິຜົນຂອງຢາສູບຢຸນນານ. ປະຕິບັດຍຸດທະສາດຄວາມຄິດສ້າງສັນຢ່າງເຂັ້ມແຂງ, ສ້າງທິດນຳຂອງນະວັດຕະກຳດ້ານເຕັກໂນໂລຢີ, ນໍາໃຊ້ລະບົບອິນເຕີເນັດເຂົ້າໃນການຂາຍ, ການຕະຫຼາດ, ການຊໍາລະ, ການຈັດຊື້ ແລະອື່ນໆ; ສ້າງນະວັດຕະກຳກົນໄກຂອງສະຖາບັນ, ເສີມຂະຫຍາຍການລົງທຶນ, ຕອບສະຫນອງກັບທ່າອ່ຽງໃຫມ່ຂອງການພັດທະນາຢາສູບ. ນຳໃຊ້ມາດຕະການ, ເຮັດໃຫ້ການຕະຫຼາດຫັນເປັນຮູບແບບການຕະຫຼາດທີ່ດີ, ສ້າງຄວາມໄດ້ປຽບຂອງກົນໄກອຸດສາຫະກໍາໃຫ້ກາຍເປັນຄວາມໄດ້ປຽບດ້ານການແຂ່ງຂັນ, ຄວາມໄດ້ປຽບຂອງກຸ່ມຢີ່ຫໍ້ໃຫ້ກາຍເປັນຂໍ້ໄດ້ປຽບດ້ານການຕະຫຼາດ. ສ້າງຄວາມເຂັ້ມແຂງໃນການບໍລິຫານດ້ານການຂາຍຢ່າງໝັ້ນຄົງ,ສ້າງຕະຫຼາດຢາສູບທີ່ຂາວສະອາດເພື່ອເປັນການຕໍ່ສູ້ແຂ່ງຂັນ, ຮັກສາການປາບປາມການປອມແປງ ແລະການລ່ວງລະເມີດຢ່າງເຄັ່ງຄັດ. ທ່ານ ຍັງໄດ້ຮຽກຮ້ອງໃຫ້ພາກສ່ວນລັດທະບານທຸກລະດັບເລັ່ງການຫັນປ່ຽນຫນ້າທີ່, ປັບປຸງມາດຕະການດ້ານນະໂຍບາຍ, ປັບປຸງຮູບແບບການເຮັດວຽກ, ປັບປຸງຄຸນະພາບການບໍລິການ; ເພື່ອເປັນການສົ່ງເສີມການປ່ຽນແປງ ແລະການພັດທະນາອຸດສາຫະກໍາຢາສູບ.

 

    ທ່ານ ຕົ່ງຫົວ ຮອງເຈົ້າແຂວງໄດ້ເປັນເຈົ້າພາບຈັດກອງປະຊຸມ. ສຳນັກງານການຂາຍຢາສູບແຂວງ (ບໍລິສັດ),ບໍລິສັດ ອຸດສາຫະກຳຢາສູບຈີນຢຸນນານ ຈຳກັດ ເປັນຜູ້ຮັບຜິດຊອບລາຍງານ. ທ່ານ ຫຼິວຮຸ້ຍແຢນ, ຫວາງຊູ້ເຟິນ, ລີເຈິ້ງຢາງ, ທ່ານ ຢາງເຈຍ ແລະ ພະນັກງານລະດັບແຂວງທີ່ກ່ຽວຂ້ອງກໍ່ມີໜ້າເຂົ້າຮ່ວມກອງປະຊຸມດັ່ງກ່າວນີ້.

ກັບຄືນ